مهدي سليمان ومحمد عواد ومحمد صبحي حراس الزمالك
رامي نادي
تحدث الإعلامي أحمد شوبير، حارس الأهلي ومنتخب مصر السابق، عن المنافسة على حراسة مرمى نادي الزمالك، بالموسم الكروي الجديد.
ونجح جون إدوارد، المدير الرياضي بنادي الزمالك، في التعاقد مع مهدي سليمان من الاتحاد السكندري، لتدعيم مركز حراسة المرمى في الزمالك.
وقال أحمد شوبير في تصريحات إذاعية اليوم الأربعاء: «في حراسة مرمى الزمالك فيه محمد عواد والمهدي سليمان والحارس الشاب محمود الشناوي ومحمد صبحي اللي مش عارفين قاعد ولا لأ عشان بيراميدز جادين في التفاوض معاه».
وأضاف شوبير: «أعتقد اللي حاجز مكانه أساسي في تشكيل الزمالك في الموسم الجديد هو محمد عواد، ومفيش خناقة كبيرة في حراسة مرمى الزمالك لو محمد صبحي رحل، لكن لو قعد هيبقى فيه خناقة كبيرة، والخناقة دي جميلة جدا للمدير الفني والفريق، خناقة معناها إثنين بيموتوا نفسهم عشان يلعبوا وده بيصب في النهاية في مصلحة الفريق».
