كشف وليد الحلفاوي، مخرج مسلسل «كتالوج» عن كواليس اختيار الفنانة سماح أنور للمشاركة في المسلسل، مشيرًا أنه تم تغير الدور واستوحاه من إفيهاتها حتى قبل التواصل معها لتقديمه.
وقال وليد الحلفاوي، خلال حلقته بـ«الستات» على قناة النهار عن الفنانة: «وإحنا بنحضر المسلسل كان في الخط بتاع الدادة، أيمن وتار كان كاتبها بس مش حابب امتداده.. وبعد ما اتكتب قررنا نغير الخط ده، قعدنا نفكر إننا عايزين الشخصية مختلفة».
وتابع وليد: «وصلنا لشخصية كده قولتله.. عارف.. ممكن أداءها لما تبقى هحٕومية كده وخفيفة الدـم يبقى شبه أداء سماح أنور زمان، مكنش لسه في بالي إني اكلمها، قالي والله يبقى حلو، وكتب الشخصية كده بطريقة هزارها وتعاملها تخيلها شعبية شوية، خلص كتابة الشخصية بقيت حلوة جدًا».
وأضاف الحلفاوي: «قولتله طب ماتيجي نجرب نكلمها، والجنايني «المنتج» قالي يلا تعالى نجرب مش عارف متوافق ولا لأ، كلمتها حكيتلها الحكاية دي، قالتلي يلا حبيبي يلا نعمله».
واختتم وليد حديثه عن سماح أنور قائلًا: «مكنتش لسه اتشرفت بمعرفتها اه كان في صداقة ليها مع الوالد الله يرحمه، بس بقينا أصحاب احنا جدًا دلوقت».
