أشاد الفنان أحمد سعد، على الصعيد الإنساني بالفنانة روبي، مؤكدا أنه يحب العمل معها لكونها شخصية نقية وتحب الخير والنجاح للجميع.
وأضاف أحمد سعد خلال لقائه ببرنامج «ET بالعربي»: «روبي دي خطيرة، لازم الناس تعرف عنها حاجات تانية مختلفة عن روبي اللي بتشوفوها على العجلة والحركات دي، هي أكتر إنسانة طيبة وطبيعية ونقية بتقدم كل حاجة من قلبها للآخرين، عايشة حياتها في سلام نفسي، أنا بحبها شخصيا وبحب اشتغل معاها لأنها شخصية في الشغل ربنا بيكرمها في كل الأغاني عشان هي مسلماها لله».
وعن تجديد تعاونه معها من خلال أغنية «تاني» التي طرحها ضمن ألبومه «بيستهبل» بعد نجاحهما معا في أغنية «يا ليالي» قال أحمد سعد: «ربنا كرمنا بنجاح الديو لأننا بنحب بعض ومحدش بيفكر مين هيطلع فين وهيعمل إيه هي عايزاني أطلع أحسن حاجة وأنا عايزها تطلع أحسن حاجة فالناس بتشوف وبنقدم شغل حلو».
تفاصيل أغنية تاني
أغنية «تاني» من كلمات فلبينو وإخراج أحمد عبد الواحد وتوزيع أحمد طارق يحيى ومكس هاني محروس ومن، وتعد الأغنية هي رابع أغنيات ألبوم «بيستهبل» لـ الفنان أحمد سعد.
وجاءت كلمات أغنية «تاني» كالآتي:
«يا نهار أبيض هي تاني.. مش كنا خلصنا ليه جايه تاني؟
طبعا هتقولي جيالي صدفة.. هو أنتي فاكراني ياباني
يا نهار أبيض هو تاني.. جاي يرقص قلبي تاني
خلصت منه أنا في الحقيقة.. قام راح طالعلي في الأغاني
تاني أنتي تاني.. طلعالي دايما هنا وهناك
تاني أنت تاني.. غلبت قلبي يا واد بهواك
تاني أنت تاني.. لسه الجلالة طبعا وخداك
تاني أيوه تاني.. اديني جيت ورقصت معاك تاني تاني
كنت فاكرِك فترة عادي.. وهتيجي متأخر حياتي
طلعتي مظبوطة بالدقيقة.. وكأن بابا كان ساعاتي
كنت فاكرة قلبي هادي.. لحد لما جيت قصادي
فضل يدق يا ابن اللذينة.. كأن بكرة عيد ميلادي».
ويذكر أن أغنية «تاني»، سجلت ثاني تعاون بين روبي وأحمد سعد، وذلك بعد نجاحهما معا في «يا ليالي» التي طرحت عبر موقع الفيديوهات يوتيوب قبل عامين وحققت نجاحا جماهيريا كبيرا.