عبّر الطالب معاذ أحمد رمضان، الحاصل على المركز الثاني على مستوى الجمهورية في الثانوية الأزهرية، عن سعادته الكبيرة بتصدره قائمة الأوائل، مؤكدًا أن الاجتهاد والثقة في الله هما مفتاحا هذا الإنجاز الكبير.
وقال معاذ في مداخلة هاتفية مع الإعلامية مروة شتلة، ببرنامج «البيت»، المذاع على قناة الناس، اليوم الثلاثاء: «من بدري كان عندي أمل في الله وطموح إني أكون من الأوائل، ولما شفت الامتحانات حسّيت إن ربنا هيكرمنا، والحمد لله حصل».
وعن طريقته في المذاكرة، أوضح معاذ أن أفضل وقت للاستيعاب والتركيز هو بعد صلاة الفجر، قائلًا: «الوقت ده فيه بركة، وكنت ببدأ يومي بأذكاري وقراءة القرآن ثم أذاكر، ولو مفيش درس، الوقت ده بيبقى ذهبي فعلًا». وأضاف: «في ناس بتحب تذاكر بالليل، بس أنا شايف إن الفجر أحسن بكتير، وده حال كتير من الأوائل اللي شفتهم».
وأكد معاذ أن تنظيم الوقت والنية الصالحة أساس التفوق، ناصحًا زملاءه بتحديد أهداف واضحة، والمداومة على المذاكرة بشكل منتظم دون تهاون أو تأجيل.
وعن خطته المستقبلية، قال معاذ: «إن شاء الله ناوي على الطب، وأي تخصص هينفع بيه الإنسان ويخدم بيه الناس فهو خير».
وشكر أسرته ومعلميه وكل من دعمه، موجهًا رسالة لكل الطلاب: «النجاح مش حلم بعيد، هو نتيجة يقين في ربنا وشغل حقيقي».
